CB-26 FORCE=DRAGREN

今日入手
邊砌邊影相所以質素會極差 大家將就下(其實本來影相質素都極差)

唉...一見到呢隻野就諗起上次差一日就可以買到
如果上次買到今日就唔洗捱貴價買

砌返隻野先 其實得4塊件 簡單又易砌

首先我地從核心部份埋手

砌到呢度,感覺被騙了
呢個就係四爪核心???
睇返個盒 咦??乜個爪唔係大大舊好勁架咩??

算啦! 未砌完唔好咁快下定論


繼續砌落去~


我頂!原來四舊野只係裝飾

入面細細舊先係四爪

可惡的核心已經完成

跟住就砌個頭喇
就咁睇有幾分似魔動王地隱俠

手腳部份無咩特別 輕輕帶過

貼埋貼紙 完成!

跟住我地就轉模式
所謂轉模式其實就係將手部果2舊野倒轉擺
動畫入面轉模式輕輕鬆鬆轉個圈就搞掂
但係黎到現實世界係要拆出黎再倒轉裝返入去既

好心你做唔到就唔好呃人啦

雖然而家咁轉模式都好簡單,

但係俾對手見到你拆完又裝 霸氣盡失

講返呢個模式先...其實轉模式係無用既!
將舊野倒轉擺既目的係令隻野更食地 瞄準發射無咁易有偏差
不過唔需要靠佢食地都瞄準到掛

砌完係時候攞黎玩下
首先我試過下利用頭部隻角黎瞄準
結果係真係命中既
但係嚮地下玩就好唔方便 因為我要成個人趴嚮度屌地咁
建議各位擺返上張檯玩

玩完瞄準測試個彈速,
得7.71.......
算係咁....都估到

總結:轉模式令自己霸氣盡失型唔到,實際作用不大 適合俾D細路自HIGH下扮下型