LBX 027 Σ奧比斯

其實一直都有儲開LBX系列模型,只係我懶得執相放上黎
不過呢隻太有趣,忍唔住放上黎分享一下

機體設定
Σ奧比斯-山野博士將艾魯西昂,密涅瓦,珀爾修斯3機強化改造,再合體而成的LBX
(下圖只係擺下POSE實物不能分體,艾魯西昂,密涅瓦,珀爾修斯另售)

合體程序:(注意!以下3隻實物不能合體,只係我自己屎忽痕過下癮)
合體以珀爾修斯為主體,先拆左個頭,雙手屈埋一舊

密涅瓦斬件,上半身做盾,下半身做武器,雙手放背包

艾魯西昂手,腳,頭,身體分開
身體做為背包,手腳依然係用返做合體後手腳
而Σ奧比斯頭部係艾魯西昂頭加珀爾修斯頭甲

背包

隱藏住柏爾修斯個頭

大致上就係下圖咁痴埋一舊

合體完成! (再講多次,模型實物係不能分合體 免得真心膠以為可以合體買返黎喊晒口屌老母)

(真正) Σ奧比斯武器