強國恐龍機械人

每逢過時過節返大陸,總要揾下有咩過癮假野玩具~
我就最鍾意玩合體變形玩具,所以我俾呢套恐龍機械人玩具吸引到
唔知呢套野係大陸原創定係無牌仿製品呢??


1號機 - 暴龍
如果要同佢改個名,根據香港動漫改名模式,呢隻野有九成係會叫做烈焰暴龍
有啲似恐龍戰隊嗰隻

每隻都可以獨立變機械人形
根據香港動漫改名模式 變成人形就會多個王字,即係烈焰暴龍王
必殺技係手指飛彈

2號機 - 三角龍
字都唔想打,一於叫大地角龍

不解釋,大地角龍王
佢個名因為有大地呢兩個字,咁佢必殺一定係將手上兩把武器插落地上 引發強烈大地震!!

3號機 - 雷龍
根據香港動漫睇顏色分屬性,呢隻唔係水屬性就係冰屬性
所以就叫佢做海霸雷龍

二刀流 - 海霸雷龍王
必殺當然是非常平凡的十字斬

4號機 劍龍
大家都估到佢一定係風屬性啦 剩係望到佢隻色都感覺到春袋底有陣涼意(你一定係無著底褲)
暴風劍龍

暴風劍龍王
必殺技係只攻擊到左右兩邊敵人既旋風加農炮

成套玩具最精彩部份 緊係玩合體啦~
合體前4位同志一定要舉起手以示團結

身為一號機,只能當一隻右腳 真悲哀

4號機做左腳

3號機做身體

2號機做雙手及頭部

合體完成
就叫佢做.....無敵龍王(乎合香港譯名風格)

剩餘配件可以裝曬上無敵龍王度

霸氣全武裝型態